Gipakita sa mga empleyado sa City Government of Dipolog ang panaghiusa ug aktibong partisipasyon atol sa Panagsangka 2026 Kickball Tournament nga gipahigayon niadtong Hunyo 22 sa Football Pitch sa Dipolog Sports Complex sa Barangay Olingan.
Kabahin ang maong torneyo sa mga kalihokan alang sa pagsaulog sa 113th Adlaw sa Dipolog, diin nagtagbo ang nagkadaiyang mga team sa serye sa mga duwa nga puno sa kadasig ug sportsmanship.
Sa matag duwa, namatikdan ang kooperasyon, disiplina ug determinasyon sa mga partisipante, nga gisabayan sa kusog nga suporta gikan sa ilang mga kaubanan.
Sumala sa City Information Office (CIO), ang kalihokan dili lamang kompetisyon sa isports kondili usa usab ka paagi sa pagpalig-on sa panaghiusa, teamwork ug maayong relasyon tali sa mga empleyado isip kabahin sa kasaulogan sa Adlaw sa Dipolog.(IKEN B. GULLEM)
Source: Dipolog City Government