Nagpadayon ang Task Force Alambre sa ilang cable clearing operation pinaagi sa pagpangtangtang sa mga nagbitay, wala na gigamit, ug walay otorisadong utility cables sa Barangay Miputak, Dipolog City niadtong milabay nga adlaw.
Gipangunahan ang operasyon sa Office of the Building Official, gipahigayon sa dapit gikan sa eskina sa Bypass Road padulong sa eskina sa Capitol Drive.
Kabahin kini sa padayon nga kampanya sa Dakbayan sa Dipolog aron malikayan ang mga posibleng peligro nga mahimong idulot sa mga nagbitay nga kable ngadto sa mga motorista, pedestrian, ug mga lumulopyo sa maong lugar.
Gawas sa pagpalig-on sa kaluwasan sa publiko, tumong usab sa inisyatiba ang pagpaayo sa kahapsay ug dagway sa mga pangunang dalan ug pampublikong lugar sa siyudad.(IKEN B. GULLEM)
Source: Dipolog City Government