Hapsay ug luwas nga kahimtang sa mga linya sa kable sa syudad ang gitumong sa pagpahigayon sa Task Force Alambre og cable clearing operation nga gipangulohan sa Office of the Building Official, niadtong Hulyo 3 sa Katipunan Street, Barangay Miputak, Dipolog City.
Giklaro sa operasyon ang mga nagbitay ug wala na magamit nga utility cables aron malikayan ang posibleng peligro sa mga motorista ug mga lumalabay, samtang gipahapsay usab ang dagway sa maong lugar.
Kabahin kini sa padayon nga paningkamot sa City Government of Dipolog sa pagmintinar sa limpyo, organisado, ug luwas nga palibot alang sa tanang Dipolognon.(IKEN B. GULLEM)
Source: Dipolog City Government