Gibansay ang mga personahe ug Persons Deprived of Liberty (PDLs) sa Salug District Jail pinaagi sa usa ka Drug Symposium nga gipahigayon sa pakigtambayayong sa Philippine Drug Enforcement Agency (PDEA) aron mapalapad ang ilang kahibalo sa mga kadaot sa ilegal nga droga ug sa kamahinungdanon sa pagmintinar sa usa ka drug-free nga pasilidad.
Kabahin usab sa kalihokan ang Greyhound Operation aron mapalig-on ang seguridad ug mapugngan ang pagsulod sa mga kontrabando, ingon man ang drug testing sa tanang personnel ug 27 ka PDLs, diin negatibo ang resulta sa tanang nasusi.
Pinaagi sa maong inisyatiba, gipadayon sa Salug District Jail ang suporta niini sa kampanya sa gobyerno batok sa ilegal nga droga pinaagi sa edukasyon, disiplina, ug hugot nga pagpatuman sa mga polisiya sa seguridad.(IKEN B. GULLEM)
Source: Salug District Jail-BJMP R9