Isip kabahin sa pagsaulog sa 113th Adlaw sa Dipolog, gipasidunggan ang mga kampyon sa Panagsangka Sports Fest 2026 atol sa awarding ceremony nga gipahigayon sa Museo Dipolog niadtong Hulyo 3.
Gidawat sa mga nagdaog sa Inter-Office Volleyball, Barangay Volleyball, Inter-Office Kickball, ug Pickleball Executive Category ang ilang mga tropeyo isip pag-ila sa ilang dedikasyon, paningkamot, ug talagsaong performance sa tibuok kompetisyon.
Gipangulohan ang awarding ceremony nila Dipolog City Mayor Roberto Y. Uy, Youth Sports and Development Council Chair Atty. Chandler O. Ruiz, uban sa mga konsehal nga sila Atty. Jonald C. Napigquit ug Hon. Harrison T. Young.
Pinaagi sa maong kalihokan, gipadayag sa City Government of Dipolog ang padayon nga suporta niini sa pagpalambo sa sports, kabatan-onan, ug himsog nga panginabuhi sa komunidad.(IKEN B. GULLEM)
Source: Dipolog City Government