Gipahigayon sa Tanghalang Pilipino, sa pakigtambayayong sa City Government of Dipolog, ang annual immersion ug recreation program sa Museo Dipolog niadtong Hulyo 22 nga gitambongan sa 91 ka partisipante.
Kabahin sa kalihokan ang pagdiskobre, pagkat-on, ug pag-ila sa kultura, kasaysayan, ug mga pamanang kabilin sa Dakbayan sa Dipolog ug sa kasikbit nga mga komunidad, lakip ang Dakbayan sa Dapitan.
Pinaagi sa nagkalain-laing learning activities, gipalapdan sa mga partisipante ang ilang kahibalo sa lokal nga sining ug kultura samtang gipalig-on usab ang panag-uban ug pagtinabangay sa matag usa.
Sumala sa City Government of Dipolog, padayon ang suporta sa mga kalihokan nga nagpalambo sa sining, kultura, ug turismo isip kabahin sa pagpreserbar sa lokal nga panulondon.(JENIFFER JR. DELICA)
Source: Dipolog Tourism