Misuroy si Liloy Mayor Roberto Lim Uy Jr. sa gitakdang lokasyon alang sa gi-proposed nga Cold Storage Facility para sa High-Value Crops aron susihon ang lugar ug hisgutan ang plano sa pagpatuman sa proyekto.
Ang maong pasilidad gitumong sa pagpalambo sa pagdumala sa mga ani human sa pagpangani, pagkunhod sa post-harvest losses, ug paghatag og mas maayong pasilidad sa pagtipig sa mga high-value crops sa munisipyo.
Gilauman nga makatabang ang proyekto sa pagpalig-on sa panginabuhian sa mga mag-uuma pinaagi sa mas maayong pagpreserba sa ilang mga ani ug pagdugang sa kalidad niini.
Sumala sa LGU Liloy, kabahin kini sa mga paningkamot sa lokal nga panggamhanan aron mapalambo ang sektor sa agrikultura ug masuportahan ang padayon nga pagtubo sa ekonomiya sa munisipyo.(JENIFFER JR. DELICA)
Source: Municipality of Liloy