Mitambong ang Dapitan City Police Station sa State of the Children’s Address o SOCA nga gipahigayon sa Barangay Maria Uray, Dapitan City aron suportahan ang mga programa alang sa kaayohan ug pagpanalipod sa mga kabataan.
Atol sa kalihokan, gipresentar sa barangay ang mga nahimo na, nagpadayon nga programa, ug mga inisyatiba nga nagtutok sa pagpanalipod sa katungod ug kaayohan sa mga bata sa komunidad.
Kabahin sa maong kalihokan ang pagpalig-on sa panagtinabangay tali sa kapulisan, lokal nga panggamhanan, ug uban pang stakeholders aron masiguro ang luwas ug maayong palibot alang sa mga kabataan.
Sumala sa Dapitan City Police Station, nagpadayon ang ilang suporta sa mga programa nga nagpalambo sa kaayohan sa kabataan ug naglig-on sa child-friendly nga mga komunidad sa Dakbayan sa Dapitan.(JENIFFER JR. DELICA)
Source: PNP Zamboanga del Norte 1st PMFC