Sa paningkamot nga mapalig-on ang pagsalig ug panagtinabangay tali sa kapulisan ug katawhan, misalmot si Tampilisan Officer-in-Charge PCPT Randell C. Ramos, sa Barangay Assembly Day alang sa unang semestre sa 2026 nga gipahigayon sa Barangay Sandayong, Tampilisan, Zamboanga del Norte.
Ang maong asembliya nagtigom sa mga opisyal sa barangay ug mga residente aron hisgutan ang mga programa ug lakang nga nagpunting sa pagpalig-on sa kalinaw, kahapsay, ug kaluwasan sa komunidad. Nahatagan usab og gibug-aton ang kahinungdanon sa bukas nga komunikasyon ug transparency sa pagpatuman sa mga kalihokan sa barangay.
Pinaagi sa aktibong partisipasyon sa kapulisan, gipasiugda ang padayon nga koordinasyon tali sa law enforcement ug lokal nga panggamhanan aron matubag dayon ang mga kabalaka sa komunidad ug mapadayon ang malinawon nga palibot.(IKEN B. GULLEM)
Source: Tampilisan Municipal Police Station