Nagmalampuson ang Roxas Municipal Social Welfare and Development Office (MSWDO) sa pagpahigayon sa 2-adlaw nga Training on the Enhancement of Barangay Council for the Protection of Children (BCPC) nga gihimo niadtong Marso 13–14, 2026 sa Roxas Municipal Gymnasium.
Kabahin kini sa padayon nga capacity-building initiatives sa Local Government Unit (LGU) aron mapalig-on ang mga barangay sa pagpatuman sa mga programa ug polisiya alang sa kaayohan sa kabataan.
Mitambong sa maong training ang mga representante gikan sa 31 ka barangay, lakip ang BCPC chairpersons, school heads, BCPC secretariats, ug child representatives, nga nagtinabangay aron mapalambo ang child-friendly governance sa ilang mga komunidad.
Gipangunahan ang technical session sa mga social work professionals nga nagsilbing resource speakers: Mr. Alfeo R. Bubutan, RSW, PM (MSWDO), Mr. Ronald L. Dorot, RSW (SWO III), ug Ms. Loriebelle B. De Los Reyes, RSW (SWO I).
Usa usab sa mga gi-highlight sa programa ang diskusyon sa BCPC Functionality Indicators, nga nagsilbing pahinumdom ug panawagan sa mga konsehal sa barangay sa ilang responsibilidad sa pagpanalipod sa mga katungod sa kabataan ug pagpalig-on sa responsive governance sa grassroots level.(IKEN B. GULLEM)
Source: MSWDO PRES. M.A ROXAS