Sikop na sa mga kapolisan ang suspetsado ga pusil patay sa Sangguniang Bayan Member sa lungsod sa Piñan nga si Agong Redillas.
Matud pa sa taho nga gipasakaan na kini ug kasong murder ang suspetsado ug nailhan sa pangalan nga si Rodil Salinas, taga lungsod sa Sinacaban, Misamis Occidental.
Ang suspetsado nailhan pinaagi sa nakuhang video footage sa CCTV camera ug didto nakita ang posibleng pamayhon niini.
Sigon sa taho nga ang suspek aduna pa kini laing kaso nga robbery didto sa nahisgutang dapit.
Matud pa nga sa dihang gilantaw nila ug gipanag-in ang hitsura sa mipusil kang Redillas nga kuha sa CCTV camera sakto jud kini panagway ug apil na sa pamarog niini, sa nadakpan nga suspetsado maong nagtoo ang mga kapolisan nga daku na kaayo kining gikatabang ang cctv nga nakuha isip ebidensya batok sa suspek nga nadakpan nga si Salinas.
Kahibaloab nga si SB Member Redillas gisulod sa mamumuno didto sa iyang balay samtang anaa naglingkod sa pantawan ug gipusil kaniadtong sayo sa kagabhion sa Disyembre 19, 2024.
Ang tanan panghitabo mahitungod ning maong insidente nga ang tanan adunay pagduda nga aduna pay dakung motibo ang pagpatay kang SB Member Redillas ilabina nga nagpapili kini pag-usab karong May 2025 elections sa susamang posisyon didto sa lungsod sa Piñan.
Sa pagpa-re-elect unta ni Redillas karong piniliay anaa na kini nagpasilong sa partido APP. (Angelica T. Obina)
(Source: Banat Mindanao)