Sikop sa hiniusang operasyon sa mga personahe sa kapulisan ang usa ka 45 anyos nga lalaki,mga alas 11:51 ang takna sa buntag,Enero 5,2025.
Ang dinakpan naila nga usa ka 45 anyos, nga lalaki residente sa Barangay Sicayab, dakbayan sa Dipolog, Zamboanga del Norte.
Nasikop kini pinaagi sa CIDG Zamboanga Del Norte PFU, sa pakig-alayon sa Dipolog CPS, 1st ZNPFC, 901st MC RMFB9, ZDN Maritime Police Station, ug 5th SOU MG ubos sa warrant of arrest, nga gi-isyu ni HON. Victoriano Diongaly Lacaya, Presiding Judge sa RTC, 9th Judicial Region, Branch 9, Dipolog City, pinetsahan og Disyembre 18, 2024 sa kasong paglapas sa ilegal nga drugas nga adunay pyansa nga girekomendar nga P 60,000. alang sa temporaryong kagawasan.
Ang suspek gipahibalo sa iyang mga katungod sa konstitusyon ug gidala sa CIDG ZDN PFU Office alang sa dokumentasyon ug tukma nga disposisyon sa wala pa ibalik ang warrant sa nag-isyu nga korte. (Medalyn U. Borja)
(Source: ZNPPO)