Nagtingkagol karon sa prisohan ang usa ka suspek sa pagpayuhot sa ilegal nga drugas homan kini gidakop pinaagi sa mga operatiba sa Baliguian Municipal Police Station (MDET), nga nagsilbing lead unit, uban sa mga personahe gikan sa 2nd ZNPMFC, 905th Maneuver Company, RMFB-9, Regional Intelligence Division 9 (RID-9), ug ZNPDEU, mga alas 9:30 ang takna sa kagabhion niadtong Hunyo 24,2026, didto sa Barangay Upper Kauswagan, Baliguian, Zambonga del Norte.
Ang dinakpan naila nga usa ka 25 anyos nga lalaki ,usa ka street-level Indibidwal (SLI) kinsa nakumpiskahan sa kapulisan sa nagkadaiyang heat-sealed transparent plastic sachets nga adunay sulod nga gituohang shabu nga adunay kinatibuk-ang gibanabana nga gibug-aton nga sobra sa 1.11 gramos nga gibana-banang nagkantidad sa P7,580., uban sa mga butang nga dili druga.
Ang nakumpiska nga gidudahang ilegal nga droga itugyan ngadto sa Zamboanga del Norte Provincial Forensic Unit Liloy Satellite Office alang sa laboratory examination.
Samtang ang suspek gipahibalo sa iyang mga katungod sa konstitusyon ug nagpabilin sa kustodiya sa Baliguian Municipal Police Station samtang nagpaabot sa pagpasaka sa tukmang kaso alang sa paglapas sa Republic Act No. 9165, o nailhan usab nga Comprehensive Dangerous Drugs Act of 2002.(MEDALYN U. BORJA)
Source: ZNPPO