Misalmot ang City Government of Dipolog pinaagi sa City Environment and Natural Resources Office (City ENRO) sa nasudnong pagsaulog sa Philippine Arbor Day pinaagi sa tree-growing activity nga gipahigayon sa Barangay Lugdungan niadtong Hunyo 24.
Kauban sa kalihokan ang mga representante sa Department of Environment and Natural Resources (DENR)-CENRO Manukan ug sa Department of Public Works and Highways (DPWH) 2nd Engineering District.
Nakatanom ang mga partisipante og 150 ka narra seedlings isip kabahin sa paningkamot sa lokal nga kagamhanan sa pagpalig-on sa reforestation ug pagmintinar sa malungtarong pagdumala sa kinaiyahan aron mapadayon ang usa ka mas berde nga Dakbayan sa Dipolog.(IKEN B. GULLEM)
Source: Dipolog ENRO