Gibuksan karong Hunyo 25 ang tulo ka adlaw nga PD Ariza’s Cup 2026 nga gipahigayon sa firing range sa Zamboanga del Norte Police Provincial Office sa Barangay Sicayab, Dipolog City.
Mitambong isip Guest of Honor and Speaker si Governor Darel Dexter T. Uy uban sa mga opisyal sa kapolisan, prosekusyon ug lokal nga panggamhanan sa probinsya.
Sa iyang mensahe, gipasiugda ni Gov. Uy ang kamahinungdanon sa proficiency firing ug gun safety aron mas maandam ug mas disiplinado ang mga polis sa paggamit sa ilang armas ilabina panahon sa pagresponde sa mga krimen ug emerhensiya.
Padayon ang PD Ariza’s Cup 2026 hangtod Hunyo 27, diin gilauman nga mas mapalambo ang kahibalo sa mga sakop sa kapolisan sa firearms safety, shooting skills ug propesyonal nga pagpatuman sa ilang katungdanan.(JENIFFER JR. DELICA)
Source: Zamboanga del Norte Provincial News Network