Balhog sa prisohan homan masikop sa mga tinugyanan sa balaod ang usa ka suspek sa kasong physical injuries, mga alas 3:50 ang takna sa kahapunon, Hunyo 24,2025,didto sa Barangay Diwa-an, Dapitan City.
Ang dinakpan naila nga si Joy Balanay Jamolod Jr., 20 anyos, kinsa gisikop pinaagi sa Mabuhay SBC 5th SOU, Dapitan City Police Station (CPS), ug 901st RMFB9 tungod sa Physical Injuries in relation to Republic Act 7610 (Special Protection of Children Against Abuse, Exploitation and Discrimination Act) pinasikad sa warrant nga giisyu ni Hon. Florendo Bolante Opay, Presiding Judge sa Family Court, 9th Judicial Region, Branch 4, Dipolog City, Zamboanga Del Norte ubos sa criminal case number 25-052, pinetsahan ug Hunyo 23, 2025, nga adunay piyansa nga girekomendar nga Php 24,000.00.
Ang suspek kasamtangang gikustodiya sa Dapitan City Police Station alang sa tukmang disposasyon.(Medalyn U. Borja)
Source: ZNPPO