Nasikop sa usa ka malampuson nga operasyon sa tinugyanan sa balaod, ang usa ka gi alegar nga suspek sa pagsulay ug pagpatay,mga alas 10:30 ang takna sa kabuntagon niadtong Marso 11, 2025, didto sa Brgy. Poblacion, Siayan, Zamboanga del Norte.
Ang dinakpan naila nga si Arcelo Calumpang Porgatorio, 51 anyos, kinsa gidakop sa mga personahe sa Siayan Municipal Police Station (MPS), uban sa koordinasyon sa Zamboanga del Norte Provincial Intelligence Unit (ZNPIU) ug sa 901st Maneuver Company sa Regional Mobile Force Battalion 9 (RMFB9).
Ang pagka sikop sa suspek gihimo pinaagi sa warrant of Arrest nga giisyu ni Presiding Judge Reymar L. Lacaya sa RTC, 9th Judicial Region, Branch 11, Sindangan, Zamboanga del Norte, pinetsahan ug Nobyembre 22, 2017, nga adunay piyansa nga girekomendar nga mobalor Php 120,000.00 alang sa iyang temporaryong kagawasan.
Ang suspek gipahibalo sa iyang mga katungod sa konstitusyon ug anaa na kini sa kustodiya sa Siayan MPS alang sa tukmang disposisyon. (Medalyn U. Borja)
(Source: ZNPPO)