31.3 C
Manila
Tuesday, April 23, 2024

Zamboanga: 2 ‘SLIs’ arestao na campaña contra droga ilegal

- Advertisement -

Ya aresta mga autoridad dos “street level individuals (SLIs)”, de quien mga nombre incluido na de ila lista, na separao campaña contra droga ilegal aqui na ciudad de Zamboanga, asegun con el policia local del Domingo.

El policia local ya nombra con el dos arestao SLIs como canda Arnold Estanel, 20 años el edad, y un residente de Barangay Talon-Talon, y si Roldan Fernandez, 23, residente de Sitio Manga, Barangay Bolong.

Asegun con el policia, con Estanel ya aresta na un “buy-bust operation” mga alas 11:19 del Sabado denoche na calle Amor con Amor Se Paga, Barangay Tetuan, en este ciudad.

El mga pulis ya recubri na posesion de Estanel valor de P3,000 suspechao shabu, un portamoneda, y P200 markao sen.

Asegun con el policia, con Fernandez ya aresta na otro buy-bust operation mga alas 11:55 del Sabado denoche na Sitio Licopon, Barangay Bunguiao, en este ciudad.

El policia ya habla, ya puede confisca na posesion de Fernandez un gramo de suspechao shabu que tiene el valor de P6,800, un bag, un portamoneda, y P500 markao sen.

Detenido el dos arestao suspechao en preparacion para el plantada del asunto contra canila por violacion del Comprehensive Dangerous Drug Act of 2002. (B. Garcia)

 

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -