Dakpan sa mga personahe sa Katipunan Municipal Police Station ang usa ka lalaking suspetsado sa pagpayuhot og smuggled nga segarilyo, pinaagi sa gipahigayon nga Joint Buy-bust Operation, didto sa Barangay New Tambo, Lungsod sa Katipunan, ning Probinsiya sa Zamboanga del Norte, niadtong nakalabay’ng adlaw, Hulyo 28, 2025.
Giila sa Katipunan Pnp ang dinakpan sa alyas nga Buryong, anaa na sa hingkod ang pangidaron ug Lumolupyo ra usab sa nasangpit nga Lugar, diin ang naasoy nga suspetsado, posetibong nakuhaan og nagkadaiyang klase sa mga Smuggled nga Segarilyo, diin gibana-bana ang kantidad niining mokabat ngadto sa Php28,650.00.
Sa pagka karon ang nasangpit nga dinakpan, atua na ubos sa kustodiya sa Katipunan Municipal Police Station, lakip na niini ang mga nakumpiskang Smuggled nga Segarilyo, alang na sa tukmang disposasyon, samtang gihikay pa ang pagpasaka og tukmang kaso ngadto sa korte sa iyang gibuhat nga pagsupak sa Republic Act 10643 kon The Graphic Health Warning Law.(Julius Esmade)
Source: KATIPUNAN MPS