Mokabat sa kapin P54,000 ka pesos nga balor sa ilegal nga drugas ang nakumpiska sa kapulisan ug pagkadakop sa suspek sa gipahigayon nga hiniusang Anti-illegal drug operation sa mga personahe sa Dipolog CPS uban sa koordinasyon sa ZN PDEA 9, niadtong Hulyo 28,2025 ,pasado alas 8 ang takna sa kagabhion,didto sa Purok Red Rose, Brgy. Miputak, ning dakbayan sa Dipolog.
Ang nasakmit nga drugas mutimbang sa 5 gramos gikan sa nasangpit nga suspek nga lalaki,46 anyos, minyo, walay trabaho, notadong SLI ug residente sa nasangpit nga lugar.
Nakuha gikan sa suspek atol sa operasyon mao ang usa ka piraso sa closed phimco posporo nga adunay sulod nga white crystalline granules sa gituohang shabu isip sudlanan.
Duha ka gagmay nga gidak-on nga heat-sealed transparent plastic sachets nga gisudlan sa gituohang shabu, ug upat ka piraso sa dagkong sized heat-sealed transparent plastic sachets nga adunay sulod sa gituohang “shabu” ug mga butang nga dili drugas nga gilangkuban sa:
Usa ka surgical scissor, ‎Usa ka lighter nga adunay gibag-o nga dagom nga gilakip isip flame reducer,‎Usa ka buok transparent plastic cellophane nga gisudlan sa shabu, ‎Usa ka foil gutter; ug Duha ka foil tooter.
Ang mga nakumpiska nga drug items gitugyan ngadto sa ZDN Provincial Forensic Unit para sa eksaminasyon.
Samtang ang dinakpan gibalhog na karon sa kustodiya sa Dipolog CPS ug mag-atubang sa kasong paglapas sa R.A 9165 kon Comprehensive Dangerous Drugs Act of 2002.(Medalyn U. Borja)
Source: Dipolog CPS