Gilunsad sa Municipal Government sa Polanco ang turnover sa usa ka unit sa solar water pump ug abono ngadto sa SILALELA Irrigator’s Association aron masuportahan ang panginabuhi sa mga mag-uuma sa lugar.
Sumala kang Mayor Ying Uy, dako kaayong tabang ang maong proyekto ilabi na karong nagpadayon ang kainit ug kakulang sa suplay sa tubig sa umahan.
Ang solar water pump movable ug mahimong hulman sa lain-laing barangay nga sakop sa asosasyon aron mas daghang mag-uuma ang makabenepisyo niini.
Gipasalamatan usab ang Department of Agrarian Reform sa ilang suporta, samtang gipasiugda nga ang paggamit sa solar-powered nga pasilidad makatabang sa pagpanalipod sa kalikupan ug padayon nga pagpalambo sa agrikultura sa lungsod.(JENNIFER JR. DELICA)
Source: Mayor Ying Uy