Gipahigayon sa Municipal Government sa Piñan ang nagkalain-laing serbisyo sa gobyerno duol sa komunidad pinaagi sa GC Services on Wheels niadtong Abril 14, 2026, inubanan sa Provincial Team Kuyog Ta! Medical ug Serbisyo Caravan.
Sumala kang Mayor Rommel Gudmalin, ang kalihokan nahimong malampuson tungod sa lig-on nga panaghiusa uban sa probinsyal nga panggamhanan nga gipangulohan ni Governor Darel Dexter T. Uy.
Naghatag ang caravan og nagkalain-laing libreng serbisyo sama sa medical ug dental check-up, vitamins, legal consultation, agricultural support, ug National ID registration alang sa mga residente.
Gipasiugda sa lokal nga panggamhanan nga ang maong inisyatiba nagpakita sa ilang padayon nga paningkamot nga madala ang serbisyo sa matag barangay ug masiguro nga walay mabiyaan sa kaayohan ug kalamboan.(JENNIFER JR. DELICA)
Source: Mayor Rommel Gudmalin