Pormal nga giturn-over sa Department of Agrarian Reform (DAR) Zamboanga del Norte ang usa ka solar-powered pump ngadto sa Lagag Agrarian Reform Beneficiaries Cooperative (LARBECO) sa Barangay Lagag, Sindangan aron mapauswag ang irigasyon ug produksyon sa mga mag-uuma.
Gilauman nga ang maong solar-powered irrigation system makatabang sa pagdugang sa ani ug kita sa mga mag-uuma pinaagi sa lig-on ug episyenteng suplay sa tubig, samtang mopaubos usab sa gasto sa operasyon tungod sa paggamit niini og renewable energy. Makabenepisyo usab ang mga residente pinaagi sa mas sayon nga access sa limpyo nga tubig.
Gawas sa maong pasilidad, naghatag usab ang DAR og organikong abono ngadto sa mga agrarian reform beneficiaries aron mapalambo ang kahimsog sa yuta, mapataas ang kalidad sa ani, ug mapalig-on ang sustenableng panguma.
Gitambongan ang turnover nila PARPO II Daisy Dell Suan Digamon, PARPO I Engr. Alfonso A. Tan, Sindangan Mayor Glona G. Labadlabad, LARBECO Chairman Leonardo L. Librando, ug Barangay Chairman Bryz S. Imperial, nga mipadayag sa ilang suporta sa mga programang makapalambo sa sektor sa agrikultura.(IKEN B. GULLEM)
Source: DAR Zamboanga del Norte Province