Gipangunahan ni City Mayor Evelyn T. Uy ang ikaduhang quarter meeting sa Dapitan City Anti-Drug Abuse Council (CADAC) uban sa mga representante sa PDEA, Philippine National Police (PNP), Parole and Probation Office, Sangguniang Panlungsod, ug ubang mga sektor aron hisgutan ang kahimtang sa kampanya batok sa ilegal nga droga.
Atol sa miting, gipresentar sa PDEA ug PNP ang ilang accomplishment reports ug mga updates sa anti-drug operations, samtang gihisgutan usab ang mga kasamtangang isyu ug mga lakang aron mapalig-on pa ang koordinasyon sa nagkalain-laing ahensya.
Nagkahiusa ang mga partisipante sa pagpalig-on sa implementasyon sa mga anti-drug program ug sa padayon nga pagtinabangay aron mapanalipdan ang komunidad batok sa ilegal nga droga.
Gikumpirma usab sa CADAC ang ilang padayon nga paningkamot sa pagsiguro sa kaluwasan ug kaayohan sa tanang Dapitanon pinaagi sa mas epektibong kampanya batok sa ilegal nga droga.(IKEN B. GULLEM)
Source: Dapitan City Government