Nadugangan ang pasilidad sa Barangay South Mapang sa Rizal human mapatuman sa Department of Public Works and Highways (DPWH) Zamboanga del Norte 1st District Engineering Office ang pagtukod sa usa ka multi-purpose building nga gitumong sa pagpalig-on sa operasyon sa barangay ug pagpauswag sa paghatag og serbisyo sa publiko.
Ang maong estruktura magamit isip opisina ug lugar alang sa mga tigum, programa, ug nagkadaiyang kalihokan sa komunidad, nga gilauman makatampo sa mas episyente ug organisadong pagserbisyo sa mga residente.
Matud sa DPWH, ang proyekto nagtubag sa panginahanglan sa barangay alang sa usa ka functional nga workspace nga makapadali sa trabaho sa mga opisyal ug makapalapad sa serbisyo sa komunidad.
Kabahin kini sa padayon nga paningkamot sa ahensya sa pagtukod og mga imprastraktura nga nagpalig-on sa serbisyo publiko ug nagsuporta sa inklusibong kalamboan sa mga lokal nga komunidad sa Zamboanga del Norte.(IKEN B. GULLEM)
Source: DPWH Region IX Zamboanga Peninsula