Gipakusgan sa Department of Science and Technology IX (DOST-IX) ang implementasyon sa Smarter Approaches to Reinvigorate Agriculture as an Industry in the Philippines (Project SARAI) sa lungsod sa Sergio Osmeña Sr. Zamboanga del Norte, aron mapalambo ang produksyon sa mais pinaagi sa paggamit sa teknolohiya ug siyentipikong pamaagi.
Sa gipahigayon nga miting tali sa SARAI Zamboanga Peninsula Team nga gipangulohan ni DOST-IX Assistant Regional Director Ricardo J. Apolinario III ug ni Engr. Mark Vincent J. Baliña sa Provincial Science and Technology Office (PSTO) – Zamboanga del Norte, gihisgutan ang progreso sa proyekto ug ang mga lakang aron mas mapaayo ang paggamit sa siyensya ug teknolohiya sa pagpananom sa mais.
Gipasabot usab ni OIC- Municipal Agriculturist Mr, Alrey E. Empeynado, nga ang proyekto makatabang sa pagpaayo sa farm management nga praktis, pag-optimize sa mga kahinguhaan, ug pagtaas sa produktibidad sa mga mag-uuma sa lungsod.
Ang pagpadayon sa Project SARAI usa ka timaan sa lig-on nga panaghiusa sa DOST-IX ug LGU-Sergio Osmeña Sr., aron mapatuman ang smart farming ug mapalig-on ang agrikultura sa Zamboanga del Norte.(Iken B. Gullem)
Photo courtesy: SARAI Zamboanga Peninsula