Sa pagpangandam sa umaabot nga Kalag-kalag, gipahimangnoan sa Kagamhanang lokal sa Dipolog pinaagi sa Business Permits and Licensing Division (BPLD) ang tanang mga mamaligya og bulak nga mag-update sa ilang business permits sa dili pa moabot ang Oktubre 27, 2025.
Atol sa panagtigum uban sa Dipolog City Flower Shop Association, gipahimangnoan ni BPLD Chief Viola A. Pino ang mga vendors nga tumanon ang mga regulasyon sa negosyo aron malikayan ang kalisod sa operasyon panahon sa Kalag-kalag.
Gihisgutan usab ang mga kabalaka sa mga negosyante sama sa seguridad, trapiko, ug presensya sa kapulisan. Gisugyot nga ang mga dili pa rehistradong tigbaligya ipahimutang sa Dipolog Boulevard, duol sa PWD Wellness Hub, aron malikayan ang kasamok sa mga rehistradong tindahan.
Samtang, lakip sa mga lakang sa pagpangandam ang temporaryong pagsira sa Echavez, Herrera, ug Gonzales Streets aron masiguro ang hapsay nga trapiko ug kaluwasan sa publiko atol sa kasaulogan.
Source:Dipolog City Government