Malampusong gipahigayon sa SK Federation, kauban ang Department of the Interior and Local Government (DILG) ug PNP personnel, ang paghatag og school supplies ug uban pang writing materials ngadto sa mga tinun-an sa Fimagas Elementary School niadtong Setyembre 1, 2025, sa Covered Court, Barangay Fimagas Katipunan Zamboanga del Norte.
Ang kalihokan gihimo isip kabahin sa selebrasyon sa Linggo ng Kabataan 2025, nga adunay temang “Local Youth Actions for the Sustainable Development Goals and Beyond”. Kini nga inisyatibo nagtinguha sa pagpalambo sa edukasyon ug pagdasig sa kabataan sa ilang aktibong partisipasyon sa kalamboan sa komunidad.
Si PCpl Rey Christian P. Lilic, MCAD Clerk, ubos sa pagdumala ni PCPT Rommel John B. Sabas, Officer-In-Charge, maoy nangulo sa operasyon sa paghatag sa mga school supplies. Ang SK Federation, nga pinangulohan ni Hon. Cynthia O. Sargento, SK President, ug ang DILG-Katipunan nga girepresentahan ni Phygha Arberolos ug uban pang KKDAT Officers, aktibong mitabang sa distribusyon sa mga gamit sa eskwelahan.
Pinaagi sa maong kalihokan, napalig-on ang kolaborasyon sa lokal nga gobyerno, kapulisan, ug mga youth organizations, samtang gipalambo ang suporta sa edukasyon ug kaayohan sa komunidad.(Jumalisa Papa)
Source: Katipunan MPS