Siyam ka benepisyaryo ang nakadawat og pinansyal nga tabang sa laing hugna sa Assistance to Individuals in Crisis Situations o AICS payout sa Dipolog City niadtong Abril 22, 2026.
Gipahigayon ang payout sa CMO Executive Conference Room pinaagi sa City Government of Dipolog ug City Social Welfare and Development Office.
Personal nga gipanghatag ni Mayor Roberto Y. Uy ang ayuda, diin lima ka benepisyaryo nakadawat alang sa medical assistance ug upat alang sa pinansyal nga panginahanglan.
Ang mga nakabenepisyo gikan sa nagkadaiyang barangay sa siyudad, kabahin sa padayon nga paningkamot sa lokal nga gobyerno sa paghatag dayong suporta sa mga pamilya ug indibidwal nga nag-atubang og krisis.(JENIFFER JR. DELICA)
Source: Dipolog City Government