Gilunsad sa Mutia, Zamboanga del Norte ang Project Seedlings of Hope nga nagtinguha sa pag apod-apod ug 100,000 ka libreng vegetable seedlings para ipanghatag sa matag panimalay sa lungsod.
Gipahigayon ang maong inisyatibo aron matubag ang nagtaas nga presyo sa palaliton ug mapalig-on ang seguridad sa pagkaon pinaagi sa pagdasig sa backyard ug urban gardening sa mga residente.
Gipakita sa programa ang tulo ka importante nga tumong nga mao ang libre nga seedlings para sa kabalayan, pagpalambo sa tanom nga pagkaon sa panimalay, ug pagpaubos sa gasto sa pagkaon, nga tanan nagpaabot og dugayng benepisyo sa komunidad.
Gisuportahan kini sa lokal nga kagamhanan sa pagpanguna ni Mayor Lorrymir Adaza kauban ang konseho sa Mutia, DA-HVCC, ug Gobernador Daryl Uy, isip kabahin sa pagpalig-on sa panginabuhian sa mga taga-Mutia.(JENIFFER JR. DELICA)
Source: Mutia Lgu Mio