Miapil sa Arbor Day Tree Planting Activity ang Sindangan District Jail sa Barangay Dagohoy, Sindangan, Zamboanga del Norte niadtong Hunyo 19 isip kabahin sa kampanya alang sa pagpanalipod sa kalikupan.
Gipangulohan ni JCINSP Arvin Dan R. Aguito, Warden, ang partisipasyon sa maong kalihokan nga gi-organisa sa Local Government Unit sa Sindangan uban sa ubang ahensya ug mga kaabag sa komunidad.
Nananom og mga kahoy ang mga partisipante isip simbolo sa paglaom, kalig-on ug responsibilidad sa pag-atiman sa kalikupan ug sa komunidad nga ilang giserbisyohan.
Sumala sa Sindangan District Jail, ang ilang pag-apil nagpakita sa padayon nilang suporta sa mga programa nga nagpalambo sa kalikupan, panaghiusa ug malungtarong kaugmaon alang sa lungsod sa Sindangan.(JENIFFER JR. DELICA)
Source: Sindangan District Jail- BJMPR9