Mibisita kang Dipolog City Mayor Roberto Y. Uy ang mga miyembro sa CAA Personnel and Resource Audit and Inspection o CPRAI Team sa Philippine Army atol sa ilang courtesy visit sa City Mayor’s Office niadtong Hunyo 19.
Gipangulohan ni MAJ Mark Louie C. Dela Rosa ang delegasyon sa Philippine Army nga nakigpulong sa lokal nga panggamhanan isip kabahin sa pagpalig-on sa koordinasyon ug panaghiusa tali sa militar ug siyudad.
Nahimong higayon usab ang maong pagbisita aron hisgutan ang dugang nga kooperasyon sa mga programa nga nagpalambo sa serbisyo publiko, kalamboan sa komunidad ug kalinaw ug kahapsay sa Dakbayan sa Dipolog.
Gipasidunggan sa duha ka panig ang maayong relasyon tali sa City Government of Dipolog ug Philippine Army, samtang gipadayag ang ilang padayon nga paningkamot sa pagsiguro sa kaluwasan ug kaayohan sa katawhan.(JENIFFER JR. DELICA)
Source: Dipolog City Government