SINDANGAN, ZAMBOANGA DEL NORTE (Marso 24, 2026) – Aktibong nakigbahin ang Sindangan District Jail sa blood donation drive nga gipangunahan sa Rural Health Unit sa Sindangan uban ang Zamboanga del Norte Medical Center sa Sindangan National High School sa Barangay Dapaon.
Ubos sa liderato ni Jail Chief Inspector Arvin Dan R. Aguito, ang partisipasyon sa BJMP nagpakita sa ilang suporta sa mga inisyatibong nagluwas og kinabuhi ug nagpalig-on sa kahimsog sa komunidad.
Ang maong kalihokan nagtumong sa pagdugang sa suplay sa dugo alang sa mga nanginahanglan ug nag-awhag sa publiko sa pag-apil sa maong makatawhanong buluhaton.
Gipadayag sa BJMP nga ang ilang partisipasyon kabahin sa ilang mas lapad nga misyon sa pagserbisyo sa komunidad, dili lamang sa custodial care kundili usab sa public health ug social responsibility.(JENIFFER JR. DELICA)
Source: Sindangan District Jail-BJMPR9