GUTALAC, ZAMBOANGA DEL NORTE — Malampusong gipahigayon sa LGU Gutalac ang 2026 COA Exit Conference aron ipresentar ang audit findings ug rekomendasyon sa Commission on Audit sa mga programa, proyekto, ug pinansyal nga kahimtangan sa miaging tuig.
Gipunting sa kalihokan ang pagpalig-on sa transparency ug accountability, diin gi-evaluate ang performance sa mga opisina ug giila ang mga aspeto nga kinahanglan pa og pagpaayo.
Aktibong mitambong ang mga department heads ug opisyal sa LGU pinaagi sa paghatag og insights ug pagdawat sa mga suhestiyon aron masiguro ang husto ug epektibong paggamit sa pondo sa gobyerno.
Pinaagi niini, nagpadayon ang LGU Gutalac sa pagpalig-on sa integridad ug kahusayan sa serbisyo publiko alang sa kaayohan sa komunidad.(JENIFFER JR. DELICA)
Source: LGU Gutalac-Public Information