Nakigbahin ang Sindangan District Jail sa dungan nga clean-up activity sa lungsod isip kabahin sa pagsaulog sa World Environment Month, nga nagpakita sa ilang suporta sa mga inisyatiba alang sa mas limpyo ug mas himsog nga palibot.
Ubos sa pagpanguna ni JCINSP Arvin Dan R. Aguito, Warden, miapil ang mga personnel sa jail unit sa operasyon sa pagpanglimpyo ug pagtangtang sa mga basura sa ilang gitudlong lugar sa Cultural and Sports Center, subay sa direktiba sa lokal nga pangagamhanan alang sa hiniusang aksyon sa pag-atiman sa kalikupan.
Ang kalihokan nagpasiugda sa papel sa Sindangan District Jail dili lamang sa pagdumala sa pasilidad kondili usab sa aktibong pag-apil sa mga programa nga makahatag kaayohan sa komunidad ug makapalig-on sa responsableng pag-atiman sa kinaiyahan.
Pinaagi sa padayong pakigtambayayong sa lokal nga pangagamhanan ug ubang ahensya, nagpabiling lig-on ang paningkamot sa Sindangan District Jail sa pagpalambo sa usa ka mas limpyo, mas berde ug mas himsog nga Sindangan alang sa tanang residente.(JENIFFER JR. DELICA)
Source: Sindangan District Jail- BJMPR9