Sikop sa mga kapolisan ang usa ka 38 anyos nga lalaki, residente sa Purok 4, Mamanga Daku, Plaridel, Misamis Occidental, atol sa gipahigayong law enforcement operation didto sa Barangay Mucas, Salug, Zamboanga del Norte niadtong nakalabay nga adlaw.
Ang pagkasikop pinasikad sa warrant of arrest sa kasong rape ilawom sa Criminal Case Number 1726, nga giisyu ni Assisting Judge Marlon Jay G. Moneva sa Regional Trial Court, Branch 36, 10th Judicial Region, Calamba, Misamis Occidental ug pinitsahan niadtong Hulyo 2, 2019.
Ang maong pagkasikop pinanguluhan sa mga kapolisan sa Salug Municipal Police Station, kauban ang mga sakop sa 1st PMFC MOCPPO, 2nd PMFC, 97th Infantry Battalion sa Philippine Army, ug Philippine Coast Guard nga mi-resulta sa malampusong pagkasikop samaong suspetsado.
Sa pagkakaron ang dinakpan ang anaa na sa Salug Municipal Police Station alang sa tukmang disposisyon.(Angelica T. Obina)