Hapsay ug malinawon ang pagsugod sa klase para sa School Year 2025-2026 sa rehiyon, sumala sa Police Regional Office 7 (PRO7). Walay nataho nga kalit nga insidente nga nahitabo sa bisan asa nga bahin sa Central Visayas atol sa pagbukas sa klase karong tuiga.
Sumala ni PBGEN Redrico A. Maranan, Regional Director sa PRO7, hugot nga gibantayan sa kapulisan ang kapin 3,010 ka pampubliko ug pribadong tunghaan sa rehiyon. 7,366 ka mga pulis ang gibutang sa matag eskwelahan aron mosiguro nga malinawon ang pagbalik sa eskwela. Apil sa ilang gibuhat mao ang mobile patrol ug foot patrol, ug pagbutang og 419 ka Police Assistance Desks (PADS) aron motabang sa mga estudyante, ginikanan, ug magtutudlo kung adunay mga kabalaka.
“The peaceful and orderly opening of classes today is the result of our meticulous preparation and close coordination with schools, local government units, and partner agencies,” segon ni PBGEN Maranan.
Dugang pa, padayon ang pagpatuman sa SIMEX (simultaneous simulation exercises) aron masiguro nga andam ug paspas ang reaksyon sa kapulisan kung adunay emerhensiya.
Magpadayon ang pagdeploy sa mga pulis hangtod sa pagtapos sa school year aron mamintinar ang kaluwasan sa mga tunghaan. Personal nga gisubay ni PBGEN Maranan ang kahimtang aron masiguro nga walay problema nga dili matubag dayon.
Kini nga paningkamot kabahin sa direktiba ni PNP Chief PGEN Nicolas D. Torre III nga masiguro nga luwas ug malinawon ang tanang eskwelahan sa tibuok nasud.
Source: PRO7
I via Renante Socia Lada