Gilunsad sa Jose Rizal Memorial State University Main Campus sa Dapitan City ang Sidlak-Technology Business Incubator o SIDLAK-TBI, usa ka pasilidad nga magpalig-on sa innovation, teknolohiya ug lokal nga identidad.
Gipondohan kini sa Department of Science and Technology–PCIEERD aron matubag ang kakulangan sa lokal nga turismo pinaagi sa research-based nga cultural mapping ug pagpakita pag-usab sa kasaysayan ug kultura sa Zamboanga del Norte.
Gipunting sa proyekto ang paghatag og bag-ong paagi sa pagpasabot sa turismo pinaagi sa istorya sa komunidad ug lokal nga panulondon nga mahimong makadani og dugang bisita sa probinsya.
Gawas niini, magsilbi usab ang pasilidad isip incubator sa mga startup ideas nga nakaangkla sa science, technology ug innovation, aron matabangan ang mga kabatan-onan ug negosyante sa pagpalambo sa ilang mga ideya.(JENIFFER JR. DELICA)
Source: PIA Zamboanga del Norte