Gihugtan sa Probinsyal nga Pangagamhanan ang performance system pinaagi sa Performance Management Team o PMT Meeting sa Provincial Capitol sa Dipolog City aron mapauswag ang kalidad sa serbisyo sa katawhan.
Gibase ang maong lakang sa Executive Order No. 30, Series of 2026 ni Governor Darel Dexter T. Uy nga nagpalig-on sa Strategic Performance Management System, nga nagtutok sa hustong pagtan-aw ug pag-evaluate sa trabaho sa mga kawani ug opisina.
Gipangunahan ang tigum ni Acting Provincial Administrator Charmie A. Yu uban ni Provincial Human Resource Management Officer Atty. Gil S. Muncada, diin gi-align ang performance targets sa matag buhatan ug giayo ang sistema sa evaluation aron mas masinati ang resulta sa trabaho.
Gipasiugda sa probinsya nga pinaagi sa maong pamaagi, mas mapakusog ang transparency, accountability ug epektibong serbisyo, nga diretsong makabenepisyo sa katawhan sa Zamboanga del Norte.(JENIFFER JR. DELICA)
Source: Zamboanga del Norte Provincial News Network