Gipalig-on ang panagtambayayong sa nagkadaiyang ahensya sa gobyerno atol sa 1st Quarter Multi-Stakeholder Advisory Committee o MSAC Meeting nga gipahigayon sa Dipolog School of Fisheries sa Olingan, Dipolog City.
Gipangunahan ang kalihokan ni DILG Zamboanga del Norte Provincial Director Mario A. Baterna uban sa partisipasyon sa daghang national agencies sama sa DOJ, DepEd, TESDA, JRMSU, SVCI, DA, DSWD, DOH, DTI, DOST ug DENR, nga nagpakita sa nagkahiusang aksyon alang sa maayong pangagamhanan.
Mitambong usab si Sangguniang Panlalawigan Member Dante G. Bagarinao isip representante ni Governor Darel Dexter T. Uy, nga nagpadayag sa suporta sa probinsya sa mga lakang nga nagpalig-on sa serbisyo publiko.
Gihimo ang maong miting isip plataporma sa paghisgot sa mga prayoridad, pagsusi sa mga programa, ug pagpalambo sa koordinasyon aron masiguro ang mas paspas, epektibo, ug maabot nga serbisyo alang sa katawhan sa Zamboanga del Norte.(JENIFFER JR. DELICA)
Source: DILG Zamboanga del Norte