Mipahigayun sa ilang proactive monitoring operation ang mga personahe sa Sibuco Municipal Fire Station, isip kabahin sa Oplan Semana Santa ug pag obserbar sa Eater Sunday nga gipahigayon didto sa St. Joseph Catholic Church, Poblacion, Sibuco, Zamboanga del Norte, Abril 5,2026.
Ang maong monitoring operation gihimo ubos sa pagpanguna ni SFO4 Rey M Timtim, REE, Acting Municipal Fire Marshal sa Sibuco Municipal Fire Station.
Tumong niini nga mapatuman ang paspas nga pagtubag sa bisan unsang posible nga mga insidente pinaagi sa pagtukod sa
“F.A.S.T” (First Aid Station Team) diin ang grupo padayon sa ilang hugot nga koordinasyon alang sa epektibong pagtubag sa mga emerhensya ug pagsuporta sa kaluwasan dili lang alang sa mga residente kundili apil usab ang mga bisita sa simbahan nga buot mutambong.
Dugang pa gipakita niini ang mga paningkamot nga nagpasiugda sa dedikasyon ug propesyonalismo alang sa luwas nga kasaulogan sa Semana Santa 2026 sa mga kawani sa pagpasiugda sa publiko sa malinawon,luwas ug hapsay nga pag obserbar sa kalihokan.(MEDALYN U. BORJA)
Source: BFP 9 Sibuco Municipal Fire Station