DAPITAN CITY, ZAMBOANGA DEL NORTE — Paspas nga mitubag ang Dapitan City Fire Station (Shift B) sa usa ka medical emergency sa Barangay Bagting, Dapitan, niadtong nilabay nga adlaw.
Pag-abot sa lugar, ilang nasuta nga ang pasyente anaa ra sa panimuot apan nangluspad kini ug nagreklamo og kalipong, hinungdan nga gilayon siyang giatiman sa EMS personnel nga nakaangay og protective equipment.
Sa ilang assessment, nakit-an nga taas ang presyon sa dugo sa pasyente nga miabot sa 180/90 mmHg, samtang normal ang ubang vital signs sama sa pulso, pagginhawa, temperatura, ug oxygen level.
Human sa pag-atiman, gidala ang pasyente balik sa iyang panimalay ug gitambagan nga moinom sa iyang maintenance nga tambal ug magpahulay, samtang gipasiugda sa mga responder ang pag-amping sa panglawas aron malikayan ang mas seryosong kahimtang.(JENNIFER JR. DELICA)
Source: BFP R9 Dapitan City Fire Station