Mapasalamaton ug garbo nga gipahibalo sa Local Government Unit sa Sergio Osmeña, ubos sa liderato ni Mayor Glen N. Yu, ang kalampusan sa mga tinun-an sa Sergio Osmeña National High School human makuha ang 1st Runner-Up sa Fashion Design Competition nga gipahigayon sa Roxas Arts, Culture, and Sports Complex sa Roxas, Isabela.
Gidayeg sa LGU ang talagsaong creativity, kadasig, ug abilidad sa mga partisipante sa pagpakita sa ilang talento sa sining ug kultura, nga naghatag ug dakong dungog sa tibuok munisipyo. Ang maong nakab-ot nagpakita sa ilang padayon nga pagpaningkamot, dedikasyon, ug paghago alang sa kahusayan.
Gipahyag ni Mayor Yu ang iyang lawom nga pasalamat ug suporta alang sa tanang partisipante, mga coaches, ug mentors nga mapinadayong mitimawa sa ngalan sa Sergio Osmeña pinaagi sa ilang kaisog ug talento.
Samtang, ang LGU padayon nga mosuporta sa mga programa nga nag-auhag sa kabatan-onan sa paglambo ug pagpakita sa ilang talento sa mas dagkong entablado.(IKEN B. GULLEM)
Source: Municipality of Sergio Osmeña