Gibansay ang mga personahe sa Liloy District Jail pinaagi sa usa ka Basic Photography Seminar uban sa pagdumala ni Deputy Jail Warden JINSP Ricky C. Anito, nga gipahigayon sulod sa pasilidad, kaniadtong Nobyembre 18, 2025.
Gipangulohan ang pagbansay ni Ms. Marjorie O. Gaco, nga nagsilbing resource speaker ug mipahat sa iyang kinaadman sa pagkuha ug hulagway. Iyang gitudlo ang praktikal nga mga teknik ug angayng kahibalo aron mapaayo ang abilidad sa mga partisipante sa pagkuha ug hapsay ug propesyonal nga mga litrato.
Lakip sa mga bahin sa pagbansay unsaon paggunit sa camera, composition, lighting, ug tukmang pamaagi sa documentation. Pinagi sa hands-on nga pagpraktis, mas masabtan ug magamit dayon sa mga jail personnel ang ilang nakat-onan, ilabi na sa pag-andam ug kalidad nga mga litrato alang sa opisyal nga paggamit.
Ang maong pagbansay nagtumong sa pagpalig-on sa visual documentation sa Liloy District Jail aron mas mapaayo ang transparency ug internal communication sulod sa Bureau of Jail Management and Penology (BJMP).
Nagpahayag usab ang Liloy District Jail sa ilang pasalamat kang Ms. Gaco sa iyang bililhon nga pagtulon-an ug sa tanang personnel nga aktibong miapil sa mahinungdanong pagbansay.(IKEN B. GULLEM)
Source: Liloy District Jail – Bjmpr9