Malampusong nagtapos ang duha-ka-adlaw nga Dapitan-Dipolog Urban Development Workshop diin gipasiugda ang mas lig-ong kolaborasyon alang sa pagpalambo sa turismo sa duha ka dakbayan, kaniadtong Nobyembre 20, 2025.
Sa ikaduhang adlaw sa kalihokan, gipangulohan ni sustainability policy ug planning expert nga si Mark Evidente ang lawom nga diskusyon, nga nailhan sa iyang papel sa pagdumala sa dagkong proyekto sama sa Philippine National Tourism Development Plan 2022-2028 ug Conservation Management Plan sa Intramuros. Siya mitambong aron maghatag ug estratehikong giya alang sa umaabot nga direksiyon sa turismo sa “twin cities.”
Mitambong usab sa panagtigum si Mayor Evelyn “Belen” T. Uy, uban sa mga opisyal sa duha ka dakbayan ug ubang prayoridad nga stakeholders. Gihisgutan niini ang pag-ila sa mga tourist attractions, visitor profiles, amenities, ug institusyonal nga panginahanglanon nga mahimong pundasyon sa usa ka hiusa, mas lig-on, ug mas andam nga tourism agenda para sa Dapitan ug Dipolog.
Ang kalihokan nagtimaan sa padayon nga paningkamot sa twin cities sa pagpahapsay sa ilang urban development ug pagpasiugda sa turismo isip usa sa nag-unang lig-on nga sektor sa rehiyon.(IKEN B. GULLEM)
Source: City Government of Dapitan