Mas duol nga serbisyo sa gobyerno ang nadawat sa mga residente sa Barangay Bato atol sa Libreng Serbisyo Caravan 2026 nga gipahigayon niadtong Hulyo 7.
Kabahin sa kalihokan ang turn-over sa usa ka Barangay Health Station nga nagkantidad og ₱1.75 milyon, nga gilauman nga makapalig-on sa paghatag og serbisyong panglawas ug makapasayon sa pag-angkon og medikal nga serbisyo sa mga molupyo.
Gihatagan usab og lain-laing ayuda ang mga kwalipikadong benepisyaryo, lakip ang 145 ka sako sa bugas, 350 ka DSWD food packs, ug 300 ka pares nga Spartan slippers. Gipanghatag usab ang PVC Type I.D. cards alang sa mga senior citizen, samtang gipang-apod-apod ang mga seedlings ug tanom nga utanon aron madasig ang backyard gardening ug mapalig-on ang food security.
Dungan niini, naghatag usab og on-site nga serbisyo ang nagkadaiyang opisina sa munisipyo aron mas mapadali ug mapaduol ang paghatag og serbisyo publiko sa mga residente.
Ang Libreng Serbisyo Caravan kabahin sa padayon nga paningkamot sa Municipal Government of Sindangan ubos sa pagpangulo ni Mayor Glona G. Labadlabad sa pagdala og nagkadaiyang programa ug serbisyo ngadto sa matag barangay.(IKEN B. GULLEM)
Source: Municipality of Sindangan