Gipasundayag ang nagkadaiyang lokal nga produkto ug gihatagan og dugang higayon ang mga Micro, Small, and Medium Enterprises (MSMEs) sa opisyal nga pag-abli sa MSME Week Trade Fair sa Lee Plaza Dipolog niadtong Hulyo 7.
Gipangunahan sa Department of Trade and Industry-Zamboanga del Norte (DTI-ZDN), pinaagi sa Coconut Farmers and Industry Development Plan (CFIDP), ang pagbukas sa trade fair isip kabahin sa selebrasyon sa MSME Week.
Kini gitambongan sa mga opisyal sa DTI, Philippine Coconut Authority (PCA), ug Provincial Government of Zamboanga del Norte, diin ilang gipasiugda ang padayon nga suporta sa mga lokal nga negosyante ug sa pagpalambo sa panginabuhian sa lalawigan.
Gihimo usab ang ceremonial ribbon-cutting ug paglibot sa mga exhibit nga nagpakita sa mga produktong gikan sa lubi, cacao, pagkaon, handicrafts, ug uban pang lokal nga produkto gikan sa mga kooperatiba ug MSMEs.
Ang maong trade fair gisuportahan sa CFIDP, One Town, One Product (OTOP) Philippines, ug MSMED Council, ug modagan hangtod Hulyo 12 sa Lee Plaza Dipolog.(IKEN B. GULLEM)
Source: DTI Zamboanga del Norte