Nagpahigayon ang Department of Tourism Region IX og “I.L.E.A.D in Tourism for New Supervisors” kagahapon, Mayo 21 hangtud 22, 2026 sa Hotel Camila 1 sa Dipolog City aron mapalambo ang liderato ug serbisyo sa tourism industry sa Zamboanga del Norte.
Gitambongan ang maong duha ka adlaw nga training sa mga tourism stakeholders gikan sa Dipolog, Dapitan City ug ubang key tourism destinations sa probinsya, uban sa kooperasyon sa Provincial Tourism Office of Zamboanga del Norte.
Gipangulohan ni tourism expert ug accredited resource person nga si Gil Tesoro Regondola ang workshop nga nagtutok sa inspirational leadership, pagpalig-on sa teamwork ug service excellence aron mapaayo pa ang kalidad sa serbisyo sa tourism ug hospitality sector.
Gituohang dakong tabang ang maong programa sa pagpalig-on sa kapasidad sa mga managers, supervisors ug tourism operators isip kabahin sa paningkamot sa probinsya nga mapalambo ang turismo ug mapadayon ang malungtarong kalamboan sa Zamboanga del Norte.(JENIFFER JR. DELICA)
Source: Zamboanga del Norte Provincial News Network