Gidala sa Local Government Unit sa Salug ang nagkadaiyang serbisyo publiko ngadto sa mga residente sa Barangay Danao, Salug, Zamboanga del Norte pinaagi sa Serbisyo Caravan nga gipahigayon niadtong Mayo 28, 2026 ubos sa pagpangulo ni Mayor Dr. Ruth Brillantes.
Lakip sa mga pangunahing programa sa caravan ang Benteng Bigas Program nga nagtanyag og baratuhong bugas aron matabangan ang mga pamilya batok sa pagsaka sa presyo sa pagkaon ug masiguro nga adunay suplay nga bugas ang komunidad.
Gipahigayon usab ang Yakap Konsulta Caravan sa Rural Health Unit ug Feeding Program sa Municipal Nutrition Office diin nakadawat ang mga residente og libreng medical services ug masustansyang pagkaon isip kabahin sa pagpalig-on sa panglawas ug nutrisyon sa katawhan.
Naghatag usab og libreng binhi ang Agriculture Office alang sa mga mag-uuma, libreng rehistro gikan sa MCR Office, ug libreng allot gikan sa 97th Infantry Battalion samtang aktibong mitabang ang Barangay Health Workers ug health staff sa Barangay Danao aron maseguro ang malampusong paghatag serbisyo sa komunidad.(JENIFFER JR. DELICA)
Source: MUNICIPALITY of Salug