Nagpahigayon og Community-Based Monitoring System o CBMS Coordinating Board Meeting ang Dipolog City niadtong Mayo 28, 2026 sa Museo Dipolog aron mapalig-on ang pagplano ug paghimo og mga programa nga nakabase sa tukmang impormasyon gikan sa komunidad.
Gipangulohan sa Philippine Statistics Authority uban sa City Government of Dipolog ang maong tigom diin nagtigom ang mga hepe sa nagkalain-laing buhatan sa syudad ug mga personnel sa PSA alang sa mas maayong implementasyon sa CBMS.
Gihisgutan atol sa meeting ang pagpalig-on sa kapasidad sa local government units, membership sa CBMS Coordinating Board, ug ang proposed 2027 CBMS Resource Allocation Tool nga gamiton sa pagplano sa mga proyekto ug serbisyo sa syudad.
Gilauman nga pinaagi sa mas lig-on nga koordinasyon ug paggamit sa tukmang impormasyon, mas mapaayo sa lokal nga panggamhanan sa Dipolog ang paghatag serbisyo ug pagresponde sa mga panginahanglan sa katawhan.(JENIFFER JR. DELICA)
Source: Dipolog City Government